"Əlaçı" televiziya layihəsinin Gəncə-Daşkəsən Regional Təhsil İdarəsi (GDRTİ) üzrə seçim turu keçirilib.
Gencexeber.az bildirir ki, 190 nəfər şagirdin iştirak etdiyi seçim turunda GDRTİ-ni əhatə edən hər bir rayon (şəhər) üzrə 15 qız, 15 oğlan olmaqla 10 və 11-ci sinif şagirdləri iştirak edib.
Test üsulu ilə keçirilən müsabiqədə şagirdlərə bütün fənləri əhatə edən 50 açıq sual təqdim edilib.
Qeyd edək ki, müsabiqənin yekununa əsasən, ən yüksək nəticə göstərən şagirdlər "Əlaçı" televiziya layihəsinin çəkilişlərində iştirak etmək hüququ qazanacaqlar.
