Goranboyda yol-nəqliyyat hadisəsi baş verib.
Gencexeber.az-ın məlumatına görə, hadisə Goranboy-Ağcakənd avtomobil yolunda Tatarlı kəndi ərazisində qeydə alınıb. Kənd sakini Cavid Abbasov idarə etdiyi “Hyundai” markalı ekskavatorla Laçın rayon sakini Fətəli Hümbətbəylinin idarə etdiyi “Mercedes” markalı avtomobil toqquşub.
Nəticədə avtomobildə olan 1955-ci il təvəllüdlü Nadir Hümbətov və 2004-cü il təvəllüdlü Şura Hümbətbəyli müxtəlif dərəcəli bədən xəsarətləri alıblar.
Onlar Goranboy rayon Mərkəzi xəstəxanasına yerləşdirilib. Vəziyyətləri orta-ağır qiymətləndirilir.
Faktla bağlı araşdırma aparılır.
