Gəncə şəhər Mənzil Kommunal Təsərrüfatı İstehsalat Birliyinin (MKTİB) Ərazi Xidmət Sahələrinin əməkdaşları tərəfindən şəhərin Dəmir Yolu Vağzalının yaxınlığında yerləşən "Dəmiryolçular" parkında, eləcə də, Nağı bəy Şeyxzamanov və Sidqi Ruhulla küçəsində təmizlik aksiyası keçirilib.
Gencexeber.az quruma istinadən bildirir ki, adıçəkilən ünvanlar məişət tullantılarından, alaq otlarından və toz-torpaqdan təmizlənib.
MKTİB-nin canlı qüvvəsi və texnikası vasitəsilə yığılan tullantıların ərazidən daşınması təmin edilib.
Aksiya çərçivəsində parkın ərazisində yerləşən Məmməd Əmin Rəsulzadənin büstü və II Dünya Müharibəsi qəhrəmanlarının xatirə abidəsinin ətrafında da səliqə-sahman yaradılıb.
Ərazidə mövcud yaşıllıq zolağına aqrotexniki qulluq göstərilib, suvarılması təmin edilib.
