Daşkəsən şəhəri ərazisində yerləşən 4 mərtəbəli yaşayış binasında mənzillərdən birində yanğın qeydə alınıb.
Report.аz xəbər verir ki, hadisə yerinə Fövqəladə Hallar Nazirliyinin Daşkəsən rayon Yanğından Mühafizə Hissəsinin yanğınsöndürən briqadası cəlb olunub.
Yanğınsöndürənlərin həyata keçirdiyi zəruri və təxirəsalınmaz tədbirlər sayəsində alovun genişlənməsinə imkan verilmədən qısa müddətdə söndürülüb. Faktla bağlı araşdırma aparılır.
