Xəbər verdiyimiz kimi, Gəncədə şəhərin mərkəzi küçələrindən olan Məmməd Burcəliyev küçəsində yerləşən park baxımsız vəziyyətdə idi.
Redaksiyamız tərəfindən problem işıqlandırıldıqdan sonra parkda təmizlik işləri görülüb.
Gencexeber.az məlumat verir ki, bununla bağlı Mənzil Kommunal Təsərrüfatı İstehsalat Birliyi (MKTİB) məlumat yayıb.
Məlumata əsasən, Gəncə şəhər ərazisində həyata keçirilən təmizlik aksiyası bu dəfə Məmməd Bürcəliyev küçəsində yerləşən istirahət parkında baş tutub.
“MKTİB tərəfindən ərazi məişət tullantılarından, alaq otlarından, kollardan və toz-torpaqdan təmizlənib. Bundan əlavə Gəncəçayının parkın yaxınlığından keçən hissəsində qalaqlanan məişət tullantıları, alaq otları və kollar yığılaraq ərazidən daşınması təmin edilib. İşlərə MKTİB-nin canlı qüvvəsi ilə yanaşı texnikası da cəlb olunub. Gəncə şəhər MKTİB parkın yaxınlığında yaşayan sakinlərdən bir daha xahiş edir ki, məişət və digər tullantıları istirahət məkanın ərazisinə və ya çayın məcrasına deyil, ərazidə iki müəyyən edilmiş yerdə qoyulan zibil konteynerlərinə atsınlar”, - məlumatda qeyd olunub.
[caption id="attachment_77971" align="alignnone" width="696"]
[/caption]
[caption id="attachment_77970" align="alignnone" width="696"]
[/caption]
[caption id="attachment_77969" align="alignnone" width="696"]
[/caption]
[caption id="attachment_77968" align="alignnone" width="696"]
[/caption]
[caption id="attachment_77967" align="alignnone" width="696"]
[/caption]
[caption id="attachment_77966" align="alignnone" width="696"]
[/caption]
