Gəncəli idmançı beynəlxalq turnirdə iştirak edəcək. Bu haqda 2 aprel tarixində Cüdo Federasiyasına istinadən məlumat veririk.
Xorvatiyanın paytaxtı Zaqreb şəhərində böyüklər arasında Avropa çempionatı keçiriləcək. 25-27 aprel tarixlərində baş tutacaq turnirdə ölkəmizi 9 çəki dərəsində 13 cüdoçu təmsil edəcək. Onların arasında Nizami yurdunun yetirməsi Turan Bayramov da yer alır. İdmançımız -60 kiloqram çəki dərəcəsində mübarizə aparacaq.
Qeyd edək ki, kişilərdən və qadınlardan ibarət milli yığmanın cüdoçuları Avropa çempionatına hazırlıq məqsədilə Avstriya, Rusiya, Portuqaliya, Fransa, İspaniya, Çexiya, Özbəkistan, Yaponiya, Türkiyədə və dəfələrlə yerli təlim-məşq toplanışlarına qatılıblar.
