Gəncəli idmançılar ölkə birinciliyində iştirak ediblər. Bu haqda 29 yanvar tarixində Kəpəz televiziyasına istinadən məlumat veririk.
Bakıda Cüdo üzrə 18 yaşa qədər yeniyetmələr arasında Azərbaycan birinciliyi baş tutub. Turnir Azərbaycan Cüdo Federasiyası, Gənclər və İdman Nazirliyinin birgə təşkilatçılığı ilə keçirilib. Burada Nizami yurdunu 64 idmançı təmsil edib. Onlardan 10-u qız, 54-ü oğlan olub. Birincilikdə ümumilikdə 96 klub, cəmiyyət və idman təşkilatından olan 663 cüdoçu mübarizə aparıb.
Təmsilçilərimiz 1 qızıl, 5 gümüş və 3 bürünc medal qazanıblar.
