Gəncədə yığıncaq təşkil olunub. Bu haqda 18 avqust tarixində İcra Hakimiyyətinə istinadən məlumat veririk.
Hesabat yığıncağında cari ilin 6 ayının sosial-iqtisadi inkişafının yekunlarına nəzər salınıb. Burada icra başçısı Niyazi Bayramov, AMEA Gəncə Bölməsinin sədri , akademik Fuad Əliyev, YAP Gəncə Şəhər təşkilatının sədri Bayram Aslanov, Gəncə Şəhər Ağsaqqallar Şurasının sədri Nurəddin Məmmədov, bələdiyyə sədrləri, İcra Hakimiyyəti başçısı Aparatının məsul əməkdaşları, idarə, müəssisə və təşkilat rəhbərləri qatılıblar.
Öncə Niyazi Bayramov bildirib ki, müşavirə 2023-cü ilin altı ayının sosial-iqtisadi yekunlarına həsr olunub. Daha sonra icra başçısının müavini Adil Tağıyev çıxış edib. Toplantıda, həmçinin idarə, müəssisə və təşkilat rəhbərlərinin hesabat xarakterli məruzələri dinlənilib.
Sonda hesabat yığıncağının qərar layihəsi qəbul olunub.
