Gəncədə şəhər rəhbərliyi Baş konsulla görüşüb. Bu haqda 14 sentyabr tarixində İcra hakimiyyətinə istinadən xəbər veririk.
İcra başçısı Niyazi Bayramov diplomatik fəaliyyət müddətinin başa çatması ilə əlaqədar olaraq, Gürcüstanın Gəncədəki Baş konsulu Nikoloz İaşvilini qəbul edib. Görüşə Türkiyənin Gəncədəki Baş konsulu Recep Öztop və İcra Hakimiyyəti başçısı Aparatının əməkdaşları da qatılıblar.
Niyazi Bayramov Nikoloz İaşvilinin diplomatik fəaliyyəti dövründə şəhər üçün göstərdiyi xidmətlərin yüksək qiymətləndirildiyini qeyd edib. İcra başçısı ona gələcək fəaliyyətində müvəffəqiyyətlər arzulayıb.
Nikoloz İaşvili qeyd edib ki, bu gün Azərbaycanla Gürcüstan arasında qarşılıqlı əməkdaşlıq münasibətləri mövcuddur və ölkələr arasındakı əlaqələr əsl regional əməkdaşlıq nümunəsidir.
Görüşün sonunda qarşılıqlı hədiyyələr təqdim olunub və xatirə şəkli çəkdirilib.
