Şəmkir rayon İcra Hakimiyyəti tərəfindən avtomobil yollarının təmiri sahəsində görülən işlər çərçivəsində Çinarlı qəsəbəsində yerləşən, həmçinin Aşağı Seyfəli və Yuxarı Seyfəli kəndlərinin rayon mərkəzi ilə əlaqəsini təmin edən Nizami Gəncəvi küçəsində təqribən 1 kilometrlik avtomobil yolunun əsaslı təmiri işləri aparılıb.
Gencexeber.az bildirir ki, bu barədə icra hakimiyyəti məlumat yayıb.
Görülən işlər zamanı yararsız yol örtüyü qazılaraq çıxarılıb, qum-çınqıl qatışığından və qırmadaşdan əsaslar hazırlanıb, standartlara uyğun olaraq iri və xırda dənəvərli asfalt örtüyü çəkilib. Eyni zamanda hərəkətin təhlükəsizliyini təmin etmək məqsədilə asfalt örtüyü üzərində müvafiq xətlənmə işləri aparılıb.
İllər sonra qəsəbənin ərazisində yerləşən yolların təmir olunması sakinlər tərəfindən məmnunluqla qarşılanıb.
[caption id="attachment_75526" align="alignnone" width="696"]
[/caption]
[caption id="attachment_75525" align="alignnone" width="696"]
[/caption]
[caption id="attachment_75524" align="alignnone" width="696"]
[/caption]
[caption id="attachment_75522" align="alignnone" width="696"]
[/caption]
