Xəbər verdiyimiz kimi, Gəncə şəhərinin Cavad Xan qəsəbəsində illərdir davam edən məişət tullantıları problemi sakinləri ciddi narahat edir.
Məsələ ilə əlaqədar Gencexber.az-a Gəncə şəhər İcra Hakimiyyəti yanında Mənzil Kommunal Təsərrüfatı İstehsalat Birliyinin (MKTİB) mətbuat xidmətindən bildirilib ki, adıçəkilən ünvanda evlər 1990-cı illərdən sonra tikilib və həmin ərazi şəhərin zibil poliqonunun mühafizə zolağına düşür.
“İri tutumlu zibil daşıyan maşınlar digər alternativ yol olmadığından, poliqona həmin ərazidən keçmək məcburiyyətindədirlər. Odur ki, həmin ərazidə sakinlərin gündəlik zibillərin daşınmasını həyata keçirən avtomobillərə rast gəlməsi və məişət tullantılarının qoxusu normal haldır”, - açıqlamada qeyd olunub.
