Gəncədə professorun monoqrafiyası nəşr olunub. Bu haqda 30 mart tarixində ATU-ya istinadən xəbər veririk.
Cahangir Hacıyevin “Ləmbəli Oğuz Türk yurdu: dili və xalçalarındakı tarix” adlı monoqrafiyası dərc edilib. Müəllif Azərbaycan Texnologiya Universitetinin Yüngül sənaye mühəndisliyi və dizayn kafedrasının professorudur. Kitab filologiya, tarix, xalçaçılıq və dizaynla məşğul olan mütəxəssislər, ali məktəblərin müvafiq ixtisaslarında təhsil alanlar və müəllimlər üçün nəzərdə tutulub.
Nəşrdə Ləmbəli kəndində formalaşmış danışıq dili və Ləmbəli xalçaları elmi-tədqiqat obyekti kimi götürülərək hər iki istiqamətdə mövcud materiallar üzərində araşdırmalar aparılıb, xalçaların naxış, süjet və kompozisiyalarının əsrlərlə sirr olaraq saxladığı tarixi faktlar üzə çıxarılıb.
