Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhərin Sadıllı və Məhsəti qəsəbəsində, eləcə də Muxtar Hacıyev küçəsində təmizlik işləri görülüb.
Gencexeber.az quruma istinadən bildirir ki, MKTİB-nin canlı qüvvəsi və müxtəlif təyinatlı texnikalarının cəlb olunduğu aksiyada, adıçəkilən ərazilər məişət tullantılarından, alaq otlarından, eləcə də daş, qum, toz-torpaqdan və xəzəldən təmizlənib.
Adıçəkilən ünvanlarda aparılan monitorinqlər zamanı ərazilərin daha çox sakinlər tərəfindən çirkləndirildiyi aşkarlanıb.
Belə ki, məsuliyyətsiz vətəndaşlar tərəfindən məişət və digər tullantıların yol kənarlarına, səkilərə atıldığı müəyyən edilib.
MKTİB tərəfindən aksiya çərçivəsində qəsəbələrdə və küçələrdə məişət tullantılarının atılması üçün nəzərdə tutulan iri tutumlu konteynerlər boşaldılıb, ətrafları təmizlənərək səliqəli şəklə salınıb.
