Göygöl rayonunun Çaykənd kəndində məişət tullantılarının ətrafa atılması yerli sakinləri narahat edir. Kənddə zibil qutularının olmaması səbəbindən tullantılar birbaşa təbiətə atılır və bu hal həm ətraf mühiti çirkləndirir, həm də xəstəliklərin yayılmasına zəmin yaradır.
Gencexeber.az-a şikayət ünvanlayan kənd sakinlərinin sözlərinə görə, problem uzun müddətdir davam edir və aidiyyəti qurumlara edilən müraciətlər nəticəsiz qalıb.
“Zibillərin təbiətə atılması kənd ərazisində antisanitar vəziyyət yaradıb.
Xüsusilə yay aylarında vəziyyət daha da pisləşir. İsti hava şəraitində tullantılardan yayılan üfunət kəndi bürüyür. Çoxalan həşəratlarda sağlamlıq üçün təhlükə yaradır. Məsələ ilə bağlı Göygöl Rayon İcra Hakimiyyəti və aidiyyəti qurumlardan tez bir zamanda tədbir görülməsini, kəndə zibil qablarının quraşdırılmasını və tullantıların vaxtında daşınmasını tələb edirik”, - deyə şikayətçi sakinlər bildiriblər.
