Gəncədə pərakəndə ticarətin son vəziyyəti bəlli olub. Bu haqda 18 noyabr tarixində Marja-ya istinadən xəbər veririk.
Şəhər Statistika İdarəsi 2023-cü ilin yanvar-sentyabr aylarında pərakəndə ticarətlə bağlı məlumatlar paylaşıb. Bildirilir ki, həmin dövr istehlakçılara 1140,1 milyon manatlıq satış olub. Onlardan 550,9 milyon manatı ərzaq məhsulları, içkilər və tütün məmulatları, 589,2 milyon manatı isə qeyri-ərzaq mallarıdır. Ötən ilin ilk 9 ayı ilə müqayisədə pərakəndə ticarət dövriyyəsi real ifadədə 1,9 faiz artıb. Ərzaq məhsulları, içkilər və tütün məmulatları 15,9 faiz artıb, qeyri-ərzaq malları üzrə isə 7,9 faiz azalıb.
Cari ilin yanvar-sentyabr aylarında istehlak mallarının dəyər ifadəsində 21,7 faizi ticarət müəssisələri, 63,9 faizi fərdi sahibkarlar tərəfindən,14,4 faizi isə bazar və yarmarkalarda satılıb.
2022-ci ilin yanvar-sentyabr ayları ilə müqayisədə pərakəndə ticarət dövriyyəsi real ifadədə müəssisələr üzrə 6,8 faiz, fərdi sahibkarlar üzrə 9 faiz çoxalıb, bazar və yarmarkalarda isə 16,5 faiz azalıb.
