Bu gündən hərbi kolleclərə sənəd qəbulu başlayır

Gəncədə xüsusi təhsil ocaqlarına qeydiyyat aparılır. Bu haqda 1 aprel tarixində Müdafiə Nazirliyinə istinadən məlumat veririk.

Milli Müdafiə Universiteti 1-30 aprel tarixlərində tabeliyində fəaliyyət göstərən xüsusi təyinatlı təhsil müəssisələrinə qəbul elan edib. Burada təhsil əyani formada Azərbaycan dilində iki il müddətində aparılır. Sənəd qəbulu üzrə bu il ümumtəhsil müəssisələrində tam orta təhsil səviyyəsini bitirmiş, qəbul ilində 17 yaşı tamam olan və 20 yaşı tamam olmayan kişi vətəndaşlar və 18 yaşından 23 yaşınadək zabit rütbəsi olmayan kişi cinsli hərbi qulluqçular (zabit və gizir (miçman) hərbi rütbəsi olanlar istisna olmaqla) və hərbi vəzifəlilər müraciət edə bilərlər.

Hərbi kollecdə təhsil alanların aşağıdakı imtiyazları olur:

• 500 (beş yüz) manat məbləğində birdəfəlik ödəmə;


• 100 (yüz) manat məbləğində aylıq təqaüd;


• 200 (iki yüz) manat məbləğində ailə üzvlərinə aylıq maddi yardım;


• 150 (yüz əlli) manat məbləğində hesabda yığılan aylıq ödəniş;


• Hərbi kolleclərdə orta ixtisas təhsili pilləsinə qəbul olan şəxslər təhsil müddətində bütün təminat növləri ilə təmin olunurlar;


• Hərbi kolleclərin məzunlarına hərbi ixtisasla yanaşı, müvafiq mülki ixtisas üzrə subbakalavr peşə-ixtisas dərəcəsi də verilir.

Müraciət üçün tələb olunan sənədlərin siyahısı ilə linkə keçid edərək tanış olmaq mümkündür.