Bu gün “Kəpəz” FM-in yarandığı gündür. Bu haqda 5 fevral tarixində Kəpəz Televiziyasına istinadən xəbər veririk.
“Kəpəz” FM 5 fevral 2013-cü ildə Gəncə şəhərində bölgənin ilk eşidilən səsi kimi fəaliyyətə başlayıb. Radio yaradıcı və texniki imkanları ilə dövrün inkişaf dinamikasının tələblərinə cavab verir. Bu gün “Kəpəz” FM radiosunun 11 yaşı tamam olur.
“Kəpəz” FM Azərspace 1 peyki vasitəsilə Gəncə və şəhərətrafı rayonlarda 93.3 tezliyində, Qazax, Tovuz və Ağstafa rayonlarında isə 102.7 tezliyində yayımlanır. Gün ərzində dünya və ölkə gündəmində baş verən ən son xəbərlər “Kəpəz Xəbər”də diqqətə çatdırılır. Həmçinin radioda maarifləndirici verilişlər, musiqili və əyləncəli proqramlar dinləyicilərə təqdim olunur.
