Gəncədə vaksinasiya prosesi aparılır. Bu haqda 29 dekabr tarixində Kəpəz televiziyasına istinadən məlumat veririk.
Vaksinasiya Kəpəz Ailə Sağlamlıq Mərkəzində həyata keçirilir. İlkin olaraq, peyvənd xüsusi risk qrupuna aid olanlar və könüllü olaraq müraciət edənlərə vurulur. Proses aparılan otaq şok əleyhinə dərman ləvazimatları ilə də təmin edilib.
“Yeni gətirilən peyvəndlər Hindistan istehsalıdır. Gəncəyə 85 doza gətirilib və bu da 850 nəfərin vaksinasiyası üçün nəzərdə tutulub. Həmçinin şəhərimizdə 11 yaşına kimi uşaqların da qızılcaya qarşı peyvəndlənməsi davam etdirilir. 2300-ə yaxın vaksinasiyadan kənar qalan azyaşlı prosesə cəlb olunub”, - deyə Gəncə şəhər GEM-in şöbə müdiri Almaz Tomuyeva qeyd edib.
