Gəncədə sexdə yanğın baş verib. Bu haqda Gencexeber.az-a 27 noyabr tarixində məlumat daxil olub.
Hadisə şəhərin Əbülüla Gəncəvi küçəsində qeydə alınıb. Sexlərin birində yanğın olub. Nəticədə sexin içərisində olan bir yük maşını, iki minik avtomobili, avadanlıqlar və əşyalar alışıb, ümumilikdə 500 kvadratmetr sahə yanıb.
Əraziyə Yanğından Mühafizə İdarəsinin 5 yanğınsöndürən maşını və canlı qüvvəsi cəlb olunub. Yanğın söndürülüb.
Şahidlərin sözlərinə görə, alışma yağ çəlləyindən başlayıb.
Faktla bağlı araşdırma aparılır.
[modula id="50585"]
