Gəncədə bir nəfər sürücü saxlanılıb. Bu haqda 29 fevral tarixində Report-a istinadən məlumat veririk.
Dövlət Yol Polisi İdarəsinin əməkdaşları şəhər sakini Şərif Şərifovu saxlayıblar. O, özünə məxsus “BMW” markalı avtomobillə Gəncə ərazisində avtoxuliqanlıq edərək, yol hərəkəti qaydalarını kobud şəkildə pozub, təhlükəli manevrlər edib.
Şərifovun barəsində toplanmış material aidiyyəti üzrə məhkəməyə göndərilib.
Həmçinin bir qrup gəncin müxtəlif markalı avtomobillərlə qanunla qadağan edilmiş səs siqnalından istifadə və avtomobilə konstruksiya dəyişikliyi edərək digər hərəkət iştirakçılarına təhlükə yaratdığı məlum olub. Həmin sürücülər saxlanılıblar. Onlarla profilaktiki söhbət aparılıb və barələrində qanunamüvafiq tədbir görülüb. Qanunsuz dəyişikliklər aradan qaldırıldıqdan sonra nəqliyyat vasitələri istismara buraxılıb.
[modula id="55627"]
