Gəncədə orta təhsil müəssisələrində yenilik olacaq. Bu haqda 29 noyabr tarixində Report-a istinadən məlumat veririk.
Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov "Effektiv kommunikasiya" mövzusunda keçirilən seminarda çıxış edib. O bildirib ki, yaxın vaxtlarda Nizami yurdunun məktəblərində müşahidə kameraları quraşdırılacaq.
"Bu gün "Məktəblinin dostu" layihəsi çərçivəsində 200-ə yaxın məktəbdə müşahidə kameraları quraşdırılıb. Gəncə və Lənkəran da bu layihəyə qoşulacaq. Beləliklə, kamera quraşdırılacaq məktəblərin sayı artırılacaq. Ümumilikdə sözügedən məsələ gündəliyimizdədir", - deyə Bağırov bildirib.
