Bir sıra dönər evlərində nöqsanlar üzə çıxıb

Gəncədə növbəti müəssisələrdə qayda pozuntuları aşkarlanıb. Bu haqda 30 noyabr tarixində AQTA-ya istinadən məlumat veririk.

Azərbaycan Respublikasının Qida Təhlükəsizliyi Agentliyinin (AQTA) əməkdaşları yoxlama tədbirləri keçiriblər. Nəticədə 6 ictimai iaşə obyektində nöqsanlar üzə çıxıb. Onların siyahısı aşağıdakı kimidir:

• Zərifə Əliyeva küçəsi, 12/2 ünvanında yerləşən "Qələbə" dönər evi - baytarlıq şəhadətnaməsi və ya arayışı olmayan heyvan mənşəli məhsulların qəbulu;


• Validə Tutayuq küçəsində "Nur" dönər evi - qida təhlükəsizliyi qeydiyyatına dair çıxarışın olmaması, obliqat qrupuna daxil olan işçilərin ilkin və dövri tibbi müayinədən keçməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu;


• Üzeyir Hacıbəyov və Zülfüqar Hacıyev küçələrinin kəsişməsində "Osmanbəy" dönər evi - baytarlıq şəhadətnaməsi və ya arayışı olmayan heyvan mənşəli məhsulların qəbulu;


• Şah İsmayıl Xətai prospekti, 407B ünvanında "İssa" dönər evi - baytarlıq şəhadətnaməsi və ya arayışı olmayan heyvan mənşəli məhsulların qəbulu;


•  Həsən bəy Zərdabi küçəsi, 11 ünvanında "Agüloğlu" restoranı - baytarlıq şəhadətnaməsi və ya arayışı olmayan heyvan mənşəli məhsulların qəbulu;


• Gülüstan qəsəbəsində Sənan Zeynal Səməd oğluna məxsus dönər evi - qida təhlükəsizliyi qeydiyyatına dair çıxarışın olmaması, obliqat qrupuna daxil olan işçilərin ilkin və dövri tibbi müayinədən keçməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu.