Gəncədə polis əməkdaşları bir qrup şəxsdən qanunsuz silah götürüblər. Bu haqda 13 fevral tarixində Report-a istinadən xəbər veririk.
Baş Polis İdarəsi və onun tabeli qurumlarının əməkdaşları qanunsuz saxlanılan silah-sursatın aşkarlanaraq götürülməsi və gələcəkdə baş verə biləcək cinayətlərin qarşısının alınması istiqamətində əməliyyat-axtarış və profilaktiki tədbirlər keçirir. Tədbirlər nəticəsində 30 nəfər şəhər sakini müvafiq sənədləri olmayan, müxtəlif marka və kalibrli ov silahlarını polisə könüllü təhvil verib.
Vətəndaşlarla fərdi söhbət aparılaraq bildirilib ki, onların döyüş və ov silahlarını, partlayıcıları və sursatları könüllü təhvil verməsi ilə bağlı çağırışa həssas yanaşması və bu çağırışa qoşulması təqdirəlayiq haldır. Təqdim edilən hər bir silah müvafiq ekspertizaya təqdim edilib.
Faktlarla bağlı araşdırmalar davam etdirilir.
