Gəncə sakini polis tərəfindən saxlanılıb. Bu haqda 29 yanvar tarixində DİN-ə istinadən məlumat veririk.
Daxili İşlər Nazirliyi Su Nəqliyyatında Polis İdarəsinə xidməti ərazidə olan bir nəfər vətəndaş şikayət edib. O, kartından onlayn yolla naməlum şəxsin 15 min manat oğurladığını bildirib.
Məsələ ilə bağlı polis əməkdaşları əməliyyat keçiriblər. Hadisəni törətməkdə şübhəli bilinən 36 yaşlı Gəncə şəhər sakini Vasif Məmmədov ölkəni tərk etmək istəyən zaman hava limanı ərazisində saxlanılıb.
Araşdırma zamanı onun sosial şəbəkələrdə səhifələr yaradaraq insanların kart məlumatlarını qanunsuz yollarla ələ etdiyi müəyyən olunub.
Polis əməkdaşları bildirirlər ki, Məmmədovun qanunazid əməllərindən zərərçəkən digər şəxslər varsa, polis orqanlarına müraciət edə bilərlər.
