Almaniyanın paytaxtı Berlindən Bakıya "UAG-101" reysini həyata keçirən "Embraer 190" tipli sərnişin təyyarəsi paytaxt hava limanına eniş edə bilməyib.
Gencexeber.az-ın məlumatına görə, göyərtəsində 13 sərnişin olan hava gəmisi Bakıda müşahidə edilən əlverişsiz hava şəraiti səbəbindən Xəzər dənizi üzərində bir müddət dövrə vurduqdan sonra alternativ hava limanı kimi Gəncə Beynəlxalq Hava Limanına yönləndirilib.
Təyyarə Gəncədə təhlükəsiz eniş etdikdən sonra təxminən bir saat sonra yenidən havaya qalxaraq Bakıya uçub.
