Samux rayonunda ictimai asayişi pozan şəxs həbs edilib.
Qafqazinfo.аz xəbər verir ki, hadisə rayonun Kolayır kəndində baş verib.
Belə ki, polis əməkdaşları şalvarının bel kəmərinə bıçaq taxaraq kənddəki "Əli" marketin qarşısında hərəkət edən şəxsi saxlayıblar. Onun Qarayeri kənd sakini 1977-ci il təvəllüdlü Həsən Alışov ( ad-soyad şərtidir) olması müəyyən edilib.
Saxlanılarkən müqavimət göstərən, eləcə də kənd ərazisində xuliqanlıq əməlləri törədən şəxs barəsində inzibati protokol tərtib edilib.
Samux Rayon Məhkəməsinin qərarı ilə H.Alışov 8 sutkalıq həbs edilib.
