Gəncəli müəllim vəfat edib. Bu haqda 11 oktyabr tarixində BDU-ya istinadən xəbər veririk.
Söhbət 85 yaşlı professor Rauf Quliyevdən gedir. O, Bakı Dövlət Universitetinin Biologiya fakültəsinin Genetika kafedrasının professoru idi.
Professor Quliyev 5 yanvar 1938-ci ildə Gəncədə anadan olub. O, Azərbaycan Kənd Təsərrüfatı Akademiyasını fərqlənmə diplomu ilə bitirib. Azərbaycan Milli Elmlər Akademiyasının nəzdində Genetika və Seleksiya Elmi-Tədqiqat İnstitutunda kiçik elmi işçi, 1967-ci ildən müsabiqə əsasında BDU-nun Genetika və darvinizm kafedrasında assistent, baş müəllim, dosent, professor vəzifələrində çalışıb.
Rauf Quliyev elmi-pedaqoji fəaliyyəti dövründə 97 məqalə, 1 monoqrafiya, 3 kitab, metodik göstəriş və proqramın müəllifi olub.
