Azərbaycanda yanvarın 6-sı saat 9:00-a olan məlumata əsasən ölkənin bəzi yerlərində arabir yağış yağır.
Gencexeber.az bildirir ki, bu barədə Milli Hidrometeorologiya Xidməti məlumat yayıb.
Belə ki, düşən yağıntının miqdarı Gəncə, Yevlax, Şəmkirdə 2 mm-dir.
Dağlıq ərazilərdə qar yağır, yağan qarın hündürlüyü Daşkəsən, Gədəbəydə 2 sm, Göygöldə 1 sm-dir.
Bəzi yerlərdə şimal-qərb küləyi güclənib, küləyin sürəti Goranboyda 23 m/s-ə çatıb. Bu da narıncı xəbərdarlığa uyğundur.
Mingəçevir, Tərtərdə 18 m/s, Gəncədə 20 m/s-yə çatıb. Bu da sarı xəbərdarlığa uyğundur.
Daşkəsən, Göygöldə duman müşahidə olunub, dumanda görünüş 200 metrədək məhdudlaşıb.
Havanın minimal temperaturu Aran rayonlarında 5 dərəcəyədək isti, dağlıq rayonlarda 9 dərəcəyədək şaxta qeydə alınıb.
