Gəncədə Bayraq Meydanı ərazisində yerləşən velosiped zolağının uzun müddətdir təmir olunmaması narazılığa səbəb olub.
Gencexeber.az-a şikayət edən sakinlərin sözlərinə görə, zolaq bir neçə ay əvvəl yenilənmək məqsədilə sökülüb, lakin işlər yarımçıq qalıb. Nəticədə həmin ərazi torpaq və çınqılla örtülüb ki, bu da velosiped sürənlər üçün ciddi çətinlik yaradır.
Velosipedçilər bildirirlər ki, zolağın bərbad vəziyyətdə olması həm təhlükəsizliyə, həm də şəhərin estetik görünüşünə mənfi təsir göstərir.
Sakinlər aidiyyəti qurumlardan təmir işlərinin sürətləndirilməsini və zolağın əvvəlki vəziyyətinə qaytarılmasını tələb edirlər.
