Gəncə təmsilçisi rəqibini qəbul edib. Bu haqda 20 yanvar tarixində basketbol klubuna istinadən məlumat veririk.
Matç Azərbaycan çempionatının XI turu çərçivəsində gerçəkləşib. “Sarı-göylər” doğma meydanda “Xəzri”ni qəbul edib. Oyun Olimpiya İdman Kompleksində keçirilib. Təmsilçimiz 3-cü periodda hesabı bərabərləşdirməyə nail olub. Lakin komandanın 12 nömrəli oyunçusu Kenyon Duling zədə aldıqdan sonra komandamız üstünlüyü əldən verib.
Sonda "Xəzri" 96:89 hesablı qələbə qazanaraq turnir cədvəlində lider olub. “Gəncə” isə 14 xalla 8-ci pillədə yer alıb.
Komandamızın heyətində İrşad Hant 24 xal toplayıb. O, təmsilçimizin ən yaxşısı olub.
