Yeni istifadəyə verilən "BakuBus" MMC-nin Gəncə Avtoparkında 675 nəfər işlə təmin edilib.
Report.аz xəbər verir ki, ümumi sahəsi 10 hektar olan parkda texniki baxış və təmir postları, avtomatlaşdırılmış uçot sistemli yanacaq təsərrüfatı, saatda 60 avtobusun yuyulması gücünə malik kompleks inşa edilib.
Avtobus parkının yaradılması ilə 675 nəfər işlə təmin olunub.
Onlardan 553 nəfəri sürücü, 122 nəfəri isə inzibati və texniki heyətdir.
"BakuBus" MMC Gəncə şəhərində 18 mövcud və 2 yeni marşrut xətti üzrə fəaliyyət göstərəcək. Şəhərə yüksək ekoloji standarta - EURO6-ya cavab verən 280 avtobus gətirilib ki, onlardan da 45-i 54, 186-sı 63, 49-u isə 102 sərnişin tutumuna malikdir.
Qeyd edək ki, Prezident İlham Əliyev sentyabrın 27-də "BakuBus" MMC-nin Gəncə Avtoparkının açılışında iştirak edib.
