Gəncəyə yollanan qatarın hərəkətində fasilə yaranıb. Bu haqda 19 aprel tarixində Oxu.az-a istinadən məlumat veririk.
Söhbət Bakı-Ağstafa-Bakı sürət qatarından gedir. Nəqliyyat vasitəsi yolun Kürdəmir rayonu ərazisindən keçən hissəsində yolda qalıb. Sərnişinlər 30 dəqiqəyə yaxın gözləməli olublar.
Məsələ ilə bağlı “Azərbaycan Dəmir Yolları” (ADY) Qapalı Səhmdar Cəmiyyətindən (QSC) açıqlama verilib. Bildirilib ki, hadisəyə səbəb elektrik təchizatının verilməsində yaranmış qısa fasilə olub. Hazırda qatar hərəkətini davam etdirir.
