Gəncədən Bakıya olan sürət qatarına yeni stansiya əlavə edilib. Bu haqda 10 mart tarixində Azərbaycan Dəmir Yollarına istinadən məlumat veririk.
“Azərbaycan Dəmir Yolları” QSC-nin paylaşdığı məlumata əsasən, 18 martdan etibarən Bakı-Gəncə-Bakı istiqamətində hərəkət edən sürətli qatarın marşrutu Ağstafa stansiyasına qədər uzadılır. Beləliklə, Bakı-Ağstafa-Bakı marşrutu üzrə ilk dəfə sürətli qatarla sərnişin daşımaları həyata keçiriləcək.
Bu səbəbdən qatarın hərəkət qrafikində dəyişiklik olacaq. Qatar hər gün saat 08:45-də Bakıdan Ağstafaya yola düşəcək. Gəncə stansiyasına qatar 12:25-də çatacaq. Əks istiqamətdə 18:30-da Gəncədən çıxan qatar 22:05-də Bakıda olacaq. Sərnişin qatarının sürəti 100 km/saat təşkil edəcək.
