Azərbaycanda bir nəfərin orta aylıq yaşayış xərci 739 dollar, milli valyutada isə 1256.30 manat təşkil edir.
Teleqraf.аz beynəlxalq göstəricilərə istinadən xəbər verir ki, bu, dünya üzrə orta göstəricidən 1.55 dəfə aşağıdır.
Bununla da Azərbaycan dünyada yaşayış xərclərinə görə 197 ölkə arasında 138-ci yerdə qərarlaşıb.
Ölkədə adambaşına düşən Ümumi Daxili Məhsul (ÜDM) 7 284 dollar, milli valyutada isə 12 382 manat təşkil edib. Bununla da Azərbaycan, 197 ölkə arasında 103-ci sırada yer alıb.
Yeni statistik göstəricilərə əsasən, ölkədə vergilər çıxıldıqdan sonra orta aylıq əməkhaqqı 485 dollar (824.50 manat) təşkil edir. Bu məbləğ bir nəfərin təxminən 21 günlük yaşayış xərclərini ödəməyə kifayət edir.
Azərbaycanda ömür uzunluğu indeksi 74,4 ildir. Bu göstəriciyə görə ölkəmiz 94-cü yerdə qərarlaşıb.
