Növbədənkənar prezident seçkilərinin nəticələri açıqlanıb. Bu haqda Gencexeber.az 13 fevral tarixində məlumat verir.
Fevralın 7-də ölkə ərazisində və xaricdə yaşayan həmvətənlərimiz prezident seçkilərində iştirak edərək 7 namizədə səs veriblər. Mərkəzi Seçki Komissiyası prosesin yekun nəticələrini açıqlayıb.
Seçki məntəqələrindən daxil olmuş məlumatlara əsasən, İlham Əliyev 92,12 faiz (4 577 693) səslə lider olub. Digər namizədlərin nəticələri aşağıdakı kimidir:
- Prezidentliyə namizədliyi özü tərəfindən irəli sürülən Zahid Oruc - 2,17 faiz (107 877 səs);
- Böyük Quruluş Partiyasının prezidentliyə namizədi Fazil Mustafa - 1,98 faiz (98 623 səs);
- Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev - 1,72 faiz (85 607 səs);
- Milli Cəbhə Partiyasının prezidentliyə namizədi Razi Nurullayev - 0,80 faiz (39 727 səs);
- Böyük Azərbaycan Partiyasının prezidentliyə namizədi Elşad Musayev - 0,66 faiz (32 956 səs);
- Namizədliyi özü tərəfindən irəli sürülən Fuad Əliyev - 0,53 faiz (26 561 səs).
