Gəncədə fəaliyyət göstərən müəssisələrdən biri ilə bağlı məhkəmə işi açılıb. Bu haqda 19 fevral tarixində Unikal-a istinadən məlumat veririk.
Bildirilir ki, "Azəralüminium" MMC-yə cərimə protokolu yazılıb. Sənəd baxılması üçün Gəncə Şəhər Məhkəməsinə göndərilib. İş hakim Liza Xanməmmədovanın icraatındadır.
Şirkətə protokolun gömrük təminatının, yəni mallara və ya nəqliyyat vasitələrinə müvafiq icra hakimiyyəti orqanının tətbiq etdiyi plomb, möhür və digər eyniləşdirmə vasitələrinin həmin orqanın icazəsi olmadan dəyişdirilməsinə, qəsdən məhv edilməsinə, qırılmasına, zədələnməsinə və ya itirilməsinə görə tərtib olunduğu bildirilir.
Sözügedən inzibati xəta üzrə vəzifəli şəxslər 600 manat, hüquqi şəxslər isə 1000 manat məbləğində cərimə edilir.
Qeyd edək ki, "Azəralüminium" MMC Cənubi Qafqazda yeganə ilkin alüminium istehsalçısıdır.
