Gəncə MMC-lərdən biri haqda protokol hazırlanıb. Bu haqda 6 mart tarixində Fed.az-a istinadən məlumat veririk.
“Azəralüminium” qanun pozuntusuna yol verib. Müəssisə barəsində gömrük qaydaları əleyhinə olan (Mallar və nəqliyyat vasitələri gətirilərkən və ya aparılarkən müvafiq icra hakimiyyəti orqanına məlumatın verilməməsi və ya təhrif olunmuş məlumatın verilməsi, yaxud əvvəlcədən qısa idxal bəyannaməsinin verilməməsi) inzibati xəta protokolu tərtib olunub.
İş Gəncə Şəhər Məhkəməsində hakim Orxan Cəfərlinin icraatına verilib.
Qeyd edək ki, İnzibati Xətalar Məcəlləsinin 485.2-ci maddəsinə görə, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər 1000 manat, hüquqi şəxslər isə 1 500 manat məbləğində cərimə olunurlar.
