Gəncədə tender baş tutub. Bu haqda 9 fevral tarixində Fed.az-a istinadən məlumat veririk.
“Azəralüminium” MMC “Alüminium ərintilər yükünün (rulon) Gəncə-Ergene (İstanbul) marşrutu üzrə daşıması” üzrə tender keçirib. Şirkət müsabiqənin qalibini açıqlayıb.
Tenderdə “Narçın Transport” MMC qələbə qazanıb. Tərəflər arasında 1 milyon 332 min manat məbləğində müqavilə imzalanıb.
Sənədə əsasən, alüminium ərintiləri 2-11 tonluq rulon şəklində maşına yüklənəcək və 13,5 metrlik yarımqoşqulu yük maşınları ilə daşınacaq.
