"Mən Aynişanı çox əziyyətlə böyütmüşəm. Amma onun bundan xəbəri olmayıb. Heç vaxt heç nə bilməyib".
Bu sözləri gəncəli Əməkdar artist Aybəniz Haşımova "Xəzər axşamı" verilişində bloqer qızı Aynişan Quliyeva ilə bağlı danışarkən deyib.
Sənətçi bildirib ki, analar övladlarına problemləri hiss etdirməməlidir:
"Aynişan həmişə anasını gülərüz görüb. Analar övlada problemi hiss etdirməməlidir. Tələbələrim də belədir. Onlar heç bir problemi bilmirlər. Qarşılarında dağ kimi dururam, heç ruhları da incimir. Onların haqqıdır ki, bu həyatı gözəl görsünlər".
