Gəncədə yanğın olub. Bu haqda 18 mart tarixində Fövqəladə Hallar Nazirliyinə istinadən xəbər veririk.
Hadisə Şah İsmayıl Xətai prospektində qeydə alınıb. Yanğın yerinə Yanğından Mühafizə İdarəsinin qüvvələri cəlb olunub. Müəyyən edilib ki, yanğın 17 boksdan ibarət ümumi sahəsi 2500 kvadratmetr olan avtomobil təmiri sexində baş verib. Alov ətraf ərazilərə yayılmasına imkan verilmədən qısa müddətdə söndürülüb.
Yanğın nəticəsində 5 boksun yanar konstruksiyaları ümumilikdə 220 kvadratmetr sahədə və içərisində təmirə dayanmış "Opel Astra" markalı minik avtomobili yanıb. Bundan əlavə, FHN-in qüvvələri ərazidə təxirəsalınmaz tədbirlər keçirib. Nəticədə 12 boks, təmirə dayanmış 5 ədəd minik avtomobili, hər birinin həcmi 200 litr olan 3 ədəd yağ çəlləyi və hər birinin həcmi 15 litr olan 6 ədəd oksigen balonu yanğından mühafizə olunub.
[video width="1920" height="1080" mp4="http://gencexeber.az/wp-content/uploads/2024/03/1.mp4"][/video]
