Azərbaycan Texnologiya Universitetində (ATU) yeni qəbul olunmuş tələbələrin universitet mühitinə daha tez uyğunlaşmasına kömək etmək məqsədilə Tanışlıq Günü təşkil olunub.
Gencexeber.az bildirir ki, tədbirdə birinci kurs tələbələrinə universitetin strukturu, idarəetmə sistemi, tədris prosesinin təşkili, fakültələrin yerləşməsi və kafedraların fəaliyyəti barədə ətraflı məlumat verilib.
Onlar fakültə rəhbərliyi, akademik məsləhətçilər, kafedralar və auditoriyalarla tanış olublar.
Eyni zamanda tələbələrə universitetin daxili qaydaları, təhsil müddətində istifadə olunacaq elektron sistemlər və s. barədə məlumatlar verilib, onları maraqlandıran suallar cavablandırılıb.
