Bu il Azərbaycan Texnologiya Universitetinə (ATU) 3 şəhid ailə üzvü daxil olub.
Gencexeber.az bildirir ki, bu barədə ATU məlumat yayıb.
Belə ki, 44 günlük Vətən müharibəsi şəhidi Bəxtiyar Bəkirovun övladı Məhəmməd Bəkirli turizm bələdçiliyi ixtisasına, 44 günlük Vətən müharibəsi şəhidi Nihat Abdullayevin bacısı Nigar Abdullayeva menecment ixtisasına, 11 oktyabr 2020-ci ildə Gəncə terrorunda şəhid olan Ələsgərovlar ailəsinin üzvü Sənan Hacıyev isə biznesin idarəedilməsi ixtisasına qəbul olub.
ATU rektoru Yaşar Ömərov ali təhsil ocağına bu il qəbul olunan şəhid ailələrinin övladları ilə görüşüb.
Tələbələrə universitetdə yaradılan təhsil imkanları, sosial və mədəni mühit barədə məlumat verilib.
