Azərbaycan Respublikasının Prezidenti yanında Ali Attestasiya Komissiyasının (AAK) 24.06.2025-ci il tarixli qərarı ilə Azərbaycan Texnologiya Universitetinin (ATU) iki əməkdaşı dosent adına layiq görülüb.
Gencexeber.az bildirir ki, ATU-nun Strateji inkişaf və rəqəmsallaşma məsələləri üzrə rektor müşaviri, iqtisad elmləri üzrə fəlsəfə doktoru Mehman Kərimova iqtisad elmləri elm sahəsinin 5308.01 – Ümumi iqtisadiyyat ixtisası üzrə dosent elmi adı verilib.
Həmçinin AAK-ın 30.06.2025-cü il tarixli qərarı ilə Qida mühəndisliyi və ekspertiza kafedrasının əməkdaşı, texnika üzrə fəlsəfə doktoru Mehriban Aslanova elmi-pedaqoji fəaliyyətinə görə texnika elmləri elm sahəsinin 3309.01 – Qida məhsullarının texnologiyası ixtisası üzrə dosent elmi adına layiq görülüb.
