Azərbaycan Texnologiya Universitetində (ATU) tədris infrastrukturunun yenilənməsi və tələbələrin daha rahat şəraitdə təhsil almasının təmin olunması istiqamətində işlər davam etdirilir.
Gencexeber.az bildirir ki, bu çərçivədə universitetdə daha iki yeni mühazirə auditoriyası istifadəyə verilib.
Yeni auditoriyalardan biri universitetin 6-cı tədris korpusunda yerləşir. 80 tələbə tutumlu bu auditoriya zəruri avadanlıqlar ilə tam təchiz olunub.
Digər auditoriya isə 2-ci tədris korpusunda yerləşir. 30 tələbə tutumuna malik olan bu tədris otağı da avadanlıqlarla təmin edilib.
Qeyd edək ki, yeni tədris ilinə hazırlıq çərçivəsində universitetin bir sıra auditoriyalarında cari təmir işləri aparılıb, tədris otaqları yeni mebellərlə təmin edilib.
