Gəncədə bıçaqlanma hadisəsi baş verib. Bu haqda 9 yanvar tarixində Avtosfer.az-a istinadən xəbər veririk.
Ata onu yatmağa qoymayan oğlunu bıçaqlayıb. Namiq yüksək səslə danışaraq atası Zilfəli Allahverdiyevin yatmasına mane olub. Nəticədə onların aralarında mübahisə yaranıb. Oğul atasının ünvanına söyüş söydüyü üçün Z.Allahverdiyev qəzəblənib, həyat yoldaşı Səmərqənd Allahverdiyevanın gözü qarşısında oğlunu mətbəx bıçaqı ilə qarnından bıçaqlayıb.
Zilfəli məhkəmədə hadisəni necə törətdiyini bildirib. O, otağa keçdikdə əlində olan bıçaqla oğlunun qarın nahiyəsinə bir zərbə vuraraq, onu qorxutmaq istədiyini deyib. Daha sonra etdiyi əməldən peşman olaraq, arvadından təcili yardım çağırmasını istəyib. “Həmin vaxt atam anamı vurmağa başladı. Mən tez anama yaxınlaşıb, ona kömək etməyə başladım, bundan sonra atam mətbəxə keçib bıçaq götürdü və mənim üstümə gəldi, qarnıma bir zərbə vurdu”, - deyə Namiq bildirib.
Ağır Cinayətlər Məhkəməsinin qərarı ilə təqsirləndirilən şəxs Azərbaycan Respublikası Cinayət Məcəlləsinin “xüsusi amansızlıqla, o cümlədən zərərçəkmiş şəxsə ağır iztirablar verməklə və ya sifarişlə” maddəsi ilə təqsirləndirilməsinə dair cinayət işi üzrə məhkəməyədək icraat zamanı qərarın təsviri hissəsində göstərilən kobud qanun pozuntularına yol verildiyindən bu pozuntuların aradan qaldırılması üçün cinayət işinin baxılmasına xitam verilib və cinayət işi ibtidai araşdırmaya prosessual rəhbərliyi həyata keçirən prokurora qaytarılıb.
