“ASAN xidmət” mərkəzində könüllü olmaq istəyənlərin nəzərinə

Gəncədə könüllü qeydiyyatı aparılır. Bu haqda Gencexeber.az-a 10 yanvar tarixində məlumat daxil olub.

2 saylı Gəncə regional “ASAN xidmət” mərkəzində gənclər üçün könüllülük fəaliyyəti təklif edilir. Proqram iki ay üçün nəzərdə tutulub. Könüllülük fəaliyyətinə təhsil səviyyəsindən asılı olmayaraq, 16-26 yaş arası şəxslər müraciət edə bilərlər. Namizədlərdən intizam, xoşrəftarlıq, ünsiyyətcillik, operativlik, kollektivdə işləmək bacarığı, təşkilatçılıq, təşəbbüskarlıq, kompüter bacarığı tələb olunur.

Könüllülər mərkəzdə müxtəlif əmək vərdişləri aşılayan təlimlərdə iştirak edəcəklər. Gənclər burada olan üç növbədən istədikləri birini seçərək fəaliyyət göstərəcəklər. Növbələrin bölgüsü aşağıdakı kimidir:

09:00-12:00 – Birinci növbə;

12:00-15:00– İkinci növbə;

15:00-18:00– Üçüncü növbə.

Könüllülərin aşağıdakı öhdəlikləri var:

• Vətəndaşların qarşılanması, elektron lövhələrdən istifadə olunmasında köməkliyin göstərilməsi;


• “ASAN Xidmət” mərkəzlərində fəaliyyət göstərən xidmətlər üzrə mərkəzlərə müraciət edən vətəndaşlara düzgün izah verilməsi;


• Müraciətlərə əsasən, anketlərin doldurulması və doldurulmasına köməkliyin göstərilməsi;


• Fiziki məhdudiyyətli şəxslərin mərkəzdə daha asan xidmət almasına dəstək, xidmət müddətində onlara qayğının göstərilməsi;


• Mərkəzə gəlmiş valideynlərin uşaqlarına xüsusi qayğının göstərilməsi;


• Vətəndaşların məlumatlandırılması və digər köməkliklərin göstərilməsi.

Qeydiyyat üçün aşağıdakı linkə keçid etmək lazımdır:

http://konullu.asanschool.az/.