Ali Məhkəmədə arvadını öldürməyə cəhd etməkdə təqsirləndirilən Əfsun Əhmədovun barəsindəki qərardan verilən kassasiya şikayəti üzrə məhkəmə iclası başa çatıb.
Pravda.аz xəbər verir ki, hakim Teyyub Muxtarovun sədrliyi ilə keçirilən prosesdə qərar elan olunub.
Qərara əsasən, kassasiya şikayəti təmin edilməyib.
İttihama görə, hadisə 7 iyul 2023-cü il saat 6 radələrində Şəmkir rayonu, Aşağı Seyfəli kəndində qeydə alınıb.
Belə ki, 1990-cı il təvəllüdlü Əfsun Əhmədov arvadı, zərərçəkmiş Zəhra Əhmədovaya qısqanclıq zəminində ov silahı ilə atəş açaraq onu öldürməyə cəhd edib.
Ona Cinayət Məcəlləsinin 29,120.1-ci (qəsdən adam öldürməyə cəhd) maddələri ilə ittiham elan olunmaqla barəsində məhkəmənin qərarı ilə həbs qətimkan tədbiri seçilib.
Gəncə Ağır Cinayətlər Məhkəməsinin hökmü ilə Əfsun Əhmədov 9 il 6 ay müddətinə azadlıqdan məhrum edilib. Gəncə Apellyasiya Məhkəməsinin qərarı ilə apellyasiya şikayəti qismən təmin olunub, hökm apellyasiya şikayətinə münasibətdə, cəza hissəsində dəyişdirilib və onun cəzası 9 ilə endirilib.
