Gəncə Apellyasiya Məhkəməsində arvadını bıçaqlamaqda təqsirləndirilən Cavid Məmmədovun barəsindəki hökmdən verilən apellyasiya şikayəti üzrə məhkəmə prosesi başa çatıb.
Pravda.аz xəbər verir ki, hakim Əlizamin Abdullayevin sədrliyi ilə keçirilən prosesdə qərar elan edilib.
Qərara əsasən, apellyasiya şikayəti təmin edilməyib.
İttihama görə, hadisə 14 iyul 2024-cü il tarixdə saat 7 radələrində Göygöl rayonunda qeydə alınıb.
Belə ki, Cavid Məmmədov arvadı ilə şəxsi münasibətlər zəminində aralarında yaranmış mübahisə zamanı bıçaqla ona ağır bədən xəsarətləri yetirib. Cavid Məmmədov həmin cinayət əməlini törətməkdə şübhəli şəxs qismində saxlanılıb.
Gəncə Ağır Cinayətlər Məhkəməsinin hökmü ilə o, 6 il müddətinə azadlıqdan məhrum edilib.
