Azərbaycan Qida Təhlükəsizliyi Agentliyi (AQTA) kütləvi tədbirlər zamanı qidalanmanın təşkilinə nəzarət və tənzimləmə tədbirləri ilə əlaqədar hazırlıq işlərini davam etdirir.
Gencexeber.az-a bu barədə AQTA-dan məlumat verilib.
Bildirilib ki, tədbirlər çərçivəsində Gəncə-Daşkəsən regional bölməsinin əməkdaşları Gəncə şəhəri və Göygöl rayonunda fəaliyyət göstərən ictimai iaşə obyektlərinin qida təhlükəsizliyi sahəsində qiymətləndirilməsi məqsədilə monitorinqlər həyata keçirib. Bəzi ictimai iaşə müəssisələrində qida təhlükəsizliyi sahəsində texniki normativ hüquqi aktların tələblərinin pozulduğu aşkarlanıb, nöqsanların aradan qaldırılması ilə bağlı məsul şəxslərə icrası məcburi göstərişlər verilib.
Göygöl şəhəri, A.Kazımov küçəsindəki "Gilavar-2" restoranında aşkarlanan nöqsanlar:
1.Mətbəx və manqal sahələrində havalandırma sisteminin qurulmaması
2.Soyuducularda mal qonşuluğu prinsipinin pozulması
3.Qida məhsullarının qəbuluna və istifadəsinə dair nəzarətin aparılmaması, filtrasiya və təmizləmə proseslərinin kifayət etməməsi
4.Qida məhsullarının emalı, istehsalı və saxlanması üçün tələb olunan şəraitin təmin edilməməsi
Gəncə şəhəri, Gülüstan qəsəbəsindəki "Üç Qardaş" restoranında aşkarlanan nöqsanlar:
1.İstehsal və köməkçi sahələrdə temperatur və təmizlik nəzarətinin aparılmaması
2.İşçi heyətin şəxsi gigiyena qaydalarına riayət etməməsi
3.Qəbul edilən məhsulların etiketlənməsi, qablaşdırılması və yararlılıq müddətinə nəzarət olunmaması, yararlılıq müddəti bitmiş məhsulların satışına yol verilməsi
Gəncə şəhəri, Totanlı küçəsindəki "Aşurlu" restoranında aşkarlanan nöqsanlar:
1.Toyuq ətinin keyfiyyət və təhlükəsizliyini təsdiq edən sənədin mövcud olmaması
2.Keyfiyyəti və mənşəyi barədə məlumat olmayan süd məhsullarından istifadə edilməsi, üzərində istehsalçı, tərkib, istehsal tarixi və saxlanma şəraiti ilə bağlı qeydlərin olmaması
3.Çalışan işçilərin sanitar geyim forması ilə təmin olunmaması
Gəncə şəhəri, H.Əliyev və P.Səmədov küçələrinin kəsişməsindəki "Polad" restoranında aşkarlanan nöqsanlar:
1.Qida məhsulu ilə təmasda olan material və məmulatların saxlanması üçün sahə və bölmələrin ayrılmaması
2.İstifadə olunan qapalı, su sızdırmayan, pedallı, yuyulabilən və içərisinə tullantı torbası yerləşdirilə bilən tullantı qutularının mövcud olmaması
3.Mətbəx və manqal sahəsində istifadə olunan alət və avadanlıqların təmizlənəbilən, korroziyaya davamlı və qeyri-toksik materialdan hazırlanmaması
Gəncə şəhəri, Ü.Hacıbəyov və S.Şirazi küçələrinin kəsişməsindəki "Aytac" restoranında aşkarlanan nöqsanlar:
1.Qida məhsullarında istifadə olunan suyun filtrasiyadan keçirilməməsi
2.Müəssisənin emal və yardımçı sahələrində döşəmə və divar səthlərinin tamlığının pozulması
3.Mətbəxdə istifadə olunan masaların standartlara uyğun olmaması
4.Mətbəxdə pəncərələrin sınıq olduğu və standartlara uyğun olmaması
Qeyd edək ki, Gəncədə "Kolorit" restoranında da nöqsanlar aşkarlanıb, lakin nöqsanların hamısı aradan qaldırılıb və müəssisənin fəaliyyəti normativlərə uyğun vəziyyətə gətirilib.
