Səhiyyə Nazirliyi antiterror tədbirləri nəticəsində həlak olan şəxslərin sayını açıqlayıb. Bu haqda 27 sentyabr tarixində nazirliyə istinadən məlumat veririk.
Azərbaycan Silahlı Qüvvələri tərəfindən 19-20 sentyabr 2023-cü il tarixində həyata keçirilmiş əməliyyatlar nəticəsində Respublikanın suverenliyi tam bərpa olunub. Lokal antiterror tədbirləri zamanı şəhid olmuş hərbçilərdən 180 nəfər Müdafiə Nazirliyinin, 12 nəfər isə Daxili İşlər Nazirliyinin hərbi qulluqçularıdır. Bundan başqa, bir nəfər mülki şəxs də şəhidlik zirvəsinə ucalıb.
11 nəfərin şəxsiyyəti Məhkəmə Tibbi Ekspertiza tərəfindən məhkəmə genetik müayinələr aparıldıqdan sonra müəyyənləşdiriləcək. Həmçinin əməliyyatlar zamanı 511 hərbi qulluqçumuz və 1 mülki şəxs yaralanıb.
Allah bütün şəhidlərimizə rəhmət eləsin!
